| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 118 | Cic. Luc. 120 () | >>Cic. Luc. 122 |
119quamcumque vero sententiam
probaverit eam sic animo conprensam habebit ut ea
quae sensibus , nec magis adprobabit nunc [Note] lucere quam ,
quoniam Stoicus est , hunc mundum esse sapientem ,
habere mentem quae et [Note] se et ipsum fabricata sit et
omnia moderetur moveat regat ; erit ei persuasum
etiam solem lunam stellas omnes terram mare deos
esse , quod quaedam animalis intellegentia per omnia
ea permanet [Note] et transeat ; fore tamen aliquando ut omnis hic mundus ardore deflagret .
-- ut omittam levitatem temere adsentientium ,
quanti
libertas ipsa aestimanda est non mihi necesse esse
quod tibi est . <quaero [Note] enim > cur deus , omnia nostra
causa cum faceret (sic enim vultis ), tantam vim natricum [Note] viperarumque fecerit , [Note] cur mortifera tam multa
<ac > [Note] perniciosa terra marique disperserit . [Note] negatis haec
tam polite tamque subtiliter effici potuisse sine divina
aliqua sollertia ; cuius quidem vos maiestatem deducitis usque ad apium formicarumque perfectionem , ut
etiam inter deos Myrmecides aliquis [Note] minutorum opusculorum fabricator fuisse videatur .
ch. 38
| Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
| <<Cic. Luc. 118 | Cic. Luc. 120 () | >>Cic. Luc. 122 |
